New Delhi, 9 March : Alia Bhatt laga deri hoija film Alpha etiya July 10, 2026 te release hobo. Film age December 2025 te release hobo plan thakise, itu pichete April 2026 te shift korise, kintu etiya notun release date announce kori dise.
Announcement te Yash Raj Films (YRF) ekta partial glimpse dikhai dise Alia Bhatt laga, aru official update bhi dise star cast laga – Sharvari, Anil Kapoor aru Bobby Deol. Film etiya delay pichete finally July 10 te release hobo.
Original release date December 2025 age, November te Yash Raj Films laga spokesperson media logote kotha korise ki film delay hoise extensive VFX kaam karone. “Alpha amikhan karone ekdom special film ase aru ami etu film ke sabse cinematic form te present koribo mon ase. Ami bujhi dise ki VFX kaam age bhabi thaka time pora beshi time loi jabo. Ami kunu jaga chari dibo nalage, sob effort dibo kutey Alpha ekta theatrical experience hoi juntu sob manu enjoy kori paribo. Etu karone film etiya April 17, 2026 te release hobo,” eneka statement te koise.
Alpha hoise Yash Raj Films laga spy franchise laga latest addition, juntu age laga films majot ase Ek Tha Tiger, Tiger Zinda Hai, Tiger 3, War, War 2, aru Pathaan.
Add Comment