NEW DELHI:Monday din te suspend hoi kena thaka BJP lawmaker Kirti Azad toh Congress join kurishe. Etu toh May moina majote hubole thaka desh laga election agote hoishe. Kirti Azad toh party join kura samay te Congress president Rahul Gandhi bhi thakishe. Kirti Azad toh former cricketer ase. Kirti Azad toh 1983 World Cup squad te thakishe.
Kirti Azad toh bis saal BJP te thakishe. Aro tai toh teen bar parliamentarian bhi thakishe. Kirti Azad toh Bihar laga Darbhanga para ase. Tai laga umar toh 60 years ase.
Kirtri Azad toh Congres te February 15 e join kuribole thakishe. Hoile bhi February 14 te huwa Pulwama hamla nimite event toh February 18 te he kuribole parishe.
Khobor pa hesab te Kirti Azad toh Darbhanga constituency para aro contest kuribole kosis kuri ase koishe. Hoile bhi Congress khan toh tai ke Delhi te contest kuribole dibole echa thaka janaishe.
Kirti Azad para BJP laga senior Union Minister Arun Jaitley ke hinsa kura nimite 2015 te Kirti ke kaam para suspend kuri dishe.
Kirti Azad laga baba Bhagwat Jha Azad toh Congress leader thakishe aro Bihar laga former chief minister bhi thakishe.
Add Comment