Mumbai, 11 March : Actor Hansika Motwani (34), juntu child artist hisab te bhi successful career thakise, etiya tai laga personal life karone news te ase. 2022 te Koi… Mil Gaya star tu tai laga longtime boyfriend aru businessman Sohael Khaturiya (35) logote shaadi korise. Grand wedding tu hoise Mundota Fort and Palace te Jaipur.
Shaadi tu bisi headlines bonai dise, specially jetiya report hoise ki Sohael Khaturiya age Rinky Bajaj logote shaadi thakise, juntu Hansika Motwani laga close friend kuina jana jai.
2025 te rumours uthise ki couple majot problems ase. Reports hisab te duijon alag-alag thaki ase kuina jana jai. etiya officially confirm hoise ki Hansika Motwani aru Sohael Khaturiya ke divorce grant kori dise Bandra Family Court te Mumbai.
November 2022 te, bishi saal friendship pichete Sohael Khaturiya Hansika Motwani ke propose korise Eiffel Tower usorte Paris te. Ek mahina pichete duijon Jaipur te shaadi kori loise. Tai laga wedding preparations bhi reality show Hansika’s Love Shaadi Drama te document korise.
2025 te rumours aru strong hoise jetiya Hansika Motwani tai laga Instagram pora sob wedding photos remove kori dise. July 2025 te reports bhi koise ki couple already separate thaki ase.
Work front te, Hansika Motwani last bar dikhai dise 2024 Tamil horror film Guardian te.
Add Comment