Maharashtra, March 12, 2026: Maharashtra Legislative Council laga Chairperson, Ram Shinde, para Thursday te koi she ki, Maharashtra Legislature laga official address te, phojor te ekta mail pai she, kute bomb photai de bole laga dhamki lekhe kena thake she. Bombay High Court, Bombay Stock Exchange aro banks khan photai de bole laga dhamki pai she.
Utu jaga kute dhamki pai she, etu han te security khan othai de she juldi. Premliminary investigation laga hesab te, mail toh mesa he thake she. Mil te lekhe kena thake she ki, bomb aro missle para hamla kure bo. Mail te kitea hamla kure bo, etu laga time be de kena thake she. Kuta laga squad aro Bomb Detection and Disposal Squad (BDDS) khan juldi pathai she utu jaga khan te.
Mail pa logo te, full security hale de she. Buildings khan te para sob manu khan ke olai de she. Staff khan ke olai jabe koi she. BDDS khan State Legislature te punchi she, aro jaga khan te bomb besare bole shuru kure she.
Maharashtra Minister of State for Home, Yogesh Kadam para koi she ki, muduk khabole nalagea, mail toh mesa he thake she, preliminary investigation laga hesab te. Legislators khan toh utu din laga proceedings toh rokai de be koi kena mangea she.
Add Comment