New Delhi, March 12, 2026: Beshe opposition MPs, Rahul Ghandhi aro Priyanka Ghandhi vadra, khan Parliament House Complex laga bhara te protest kure she, LPG cylinders komti ho laga opor te, Thursday te. Tai khan etu opor te government laga jawab mangea ase.
Congress leader Rahul Gandhi para Thursday te, Prime Minister Narendra Modi opor te hamla kure she, LPG komti ho karne, tai koi she ki PM toh manu khan ke munduk nakure be ko ase, hoile be tai he munduk te ase.
Mr. Gandhi toh koi she ki, Prime Minister toh Epstein files aro Adani Case opoe te munduk ase. Congress, DMK, TMC aro SP laga beshe MPs khan mele kena Parliament laga Makar Dwar osor te protest kure thake she, tai khan ‘Naam Narendra, Kaam Surrender’ aro ‘Modi ji, LPG’ hala kure kena protest kure thake she.
Opposition toh West Asia laga mamla aro etu kina India ke affect kurea ase, etu laga opor te khota kure bole laga demand kurea ase. Prime Minister Modi para Wednesday te, manu khan ke munduk nakure be aro public khan laga interest toh protect kure bo koi she.
LPG komti ho karne, India laga hotel sector te beshe duk pa ase, manu kumba toh khuri khan jola shuru hoi she.
Add Comment