Iran, March 12. 2026: Iran para Wednesday te, war laga 12th din te, tai khan tinta conditions de she, war toh khotom kure bole karne, aro etu te guarantees be ase aha din te aro hamla kure she koile toh, hoile be U.S. aro Israel etu be hawa para hamla kurea ase Iran opor.
President Masoud Pezeshkian para koi she ki, Russia aro Pakistan khan logo te khota kurea piche, tai Iran laga commitment peace karne reaffirm kure she. Tai koi she ki, etu war kunto Zionist regime aro U.S. khan para shuru kure she, etu rokha bole karne toh- Iran laga legitimate rights toh recognise kure bole lagea, aro reparations laga dam khan de bole lagea, aro international guarantees de bole lagea aha te hamla nakure bole laga.
Tuesday te, Kremlin para koi she ki, President Vladimir Putin toh Mr. Pezeshkian logo te khota kure she aro war toh khotom kure de bole laga opor te khota krue she. Mr. Pezeshkian para Russia khan ke thanks be de she, humanitarian aid dea karne Iran khan ke.
February 28 te, U.S. aro Israel para Iran laga Supreme Leader aro alak top officials khan ke morai dea piche, Iran toh U.S. khan logo te khota nakure bo koi she aro ceasefire be acha nakobo koi she.
Add Comment