Hyderabad, 12 March : Nikki Pradhan, defender of the India women’s national field hockey team, ekta bisi important milestone achieve kori dise 200 international caps complete kori. Tai etu achievement hasil korise FIH Hockey World Cup 2026 Qualifiers te Wales khilaf match te Hyderabad te Wednesday din.
Nikki Pradhan tar international debut korise 2016 te India Tour of South Africa 2016 time te, aru itu pora tai Indian defence te ekta consistent player hisab te thaki ase alag major tournaments te.
Jharkhand pora ahisa Nikki Pradhan history bhi create kori dise ketiya tai state pora first female hockey player hoise India ke 2016 Summer Olympics te represent koribole Rio de Janeiro te. Tai India women’s national field hockey team squad laga part bhi thakise 2020 Summer Olympics te Tokyo.
Add Comment