South Korea, March 14, 2026: Saturday te North Korea para dosto opor ballistic missiles fire kure she pani te, South Korea laga military para enia koi she. U.S. aro South Korea khan military drills khan kurea homoi.
Japan laga coast guard khan para koi she ki, kumba ballistic missile pani te gere she. Missile toh Japan laga exclusive economic zone bahar te gere she. Missiles khan toh capital Pyongyang osor te para mare she 1:20 pm phane, country laga east coast laga pani phane, South Korea laga Joint Chief of Staff para enia ekta statement te koi she.
North Korea toh bes sal karne ballistic aro cruise missiles khan test launch kurea ase, nuclear missiles bana bole karne, aro sa hesab te toh tai khan banai loi she. Etu karne Pyongyang toh beshe U.N. Security laga sanctions khan pai kena ase 2006 para shuru kure kena, hoile be tai khan khota nama nea.
South Korea aro Washington etu hafta te shuru kure she, tai khan laga hodai sal major drills khan South Korea te, kunto toh tai khan koi she ki, defence karne ase. Thursday te South Korea laga Prime Minister Kim Min-Seok aro U.S. President Donald Trump lok pai she, North Korea logo te kina khota kure bole. Trump toh North Korea laga leader Kim Jung Un logo te khota kure bole mun ja ase koi she Kim para.
Add Comment