Colombo, March 14, 2026: Sri Lanka para 84 Iranian sailor kun U.S. submarine laga hamla te mure she, tai khan ke wapas pathai de she. Ja hafta Wednesday te, Sri Lanka khan 84 Iranian mure kena pai she, U.S. submarine para hamla kurea piche, Sri Lanka laga southern coast phane.
Iraina laga ship toh Vishapatnam para wapas ghor jai thake she, ja homoi, U.S. submarine para hamla kure kena ship toh dubai de she. Foreign Ministry spokesman para koi she ki, Iranian Embassy para murea khan laga body toh Friday te wapas pathai de she. Tai khan ke Turkish airliner te para pathai de she. Kunto Friday te olai jai she.
Chief Magistrate, Sameera Dodangoda, para March 11 te order de she Director of the National Hospital ke, 84 murea laga bodies toh Iran laga embassy laga hath te de debole. Bodies khan toh Karapitiya hospital te rukhe kena thake she, aro 32 manu bache kena thakea be, utu hospital te para he treatment pai thake she.
32 manu bache kena thakea toh March 8 te discharge hoi she, aro Sri Lanka laga airbase te pathai de she, kunto Koggala te ase.
Add Comment