March 14, 2026: Eleven Indian national manu, kun U.S. te kagos khan thik natha ke kena buhea ase, tai kahn laga opor te charge kure she visa fraud laga, aro bunduk khan loi kena dukan te chor kure bole laga planning khan bana karne.
Authorities khan para koi she ki, utu manu khan dukan khan te nakli laga chor kure bole laga planning banai thake she, tai khan Green card toh pabole karne. Jitendrakumar Patel, 39, Maheshkumar Patel, 36, Sanjaykumar Patel, 45, Dipikaben Patel, 40, Rameshbhai Patel, 52, Amitabahen Patel, 43, Ronakkumar Patel, 28, Sangitaben Patel, 36, Minkesh Patel, 42, Sonal Patel, 42 aro Mitul Patel, 40 khan laga opor te charge kure she, visa fraud laga.
Tai khan kagos khan thik natha ki kena U.S. laga alak alak states te buhe thake she, Massachusetts, Kentucky aro Ohio neshe na te. Justice department para ekta statement te koi she ki, Dipikaben ke India wapas pathai de she, tai Weymouht, Massachusetts te kagos thik thake kena buhe thake she. Jitendrakumar, Maheshkumar, Sanjaykumar, Amitabahen, Sangitaben aro Mitul khan ke Massachusetts te dure she koi she.
Add Comment