New Delhi, March 14, 2026: National Human Rights Commission (NHRC) para Friday te notice issue kure she Bihar, Odisha, Telangana, Maharashtra, aro Rajasthan khan laga Chief Secretaries aro Directors General of Police (DGPs) khan ke, manu harea laga case uthea karne utu states khan te.
Media reports hesab te Bihar te, ekta sal betor te 12,000 aro 14,000 manu harea laga case olai 2013 para shuru kure kena, aro etu te beshe toh bacha khan he thakea koi she. Aro reports hesab te, two-thirds bacha hare kena thakea toh pai she.
National Crime Records Bureau (NCRB) laga data hesab te, manu harea laga sob se beshe case toh Odisha, Bihar, Telangana aro Maharashtra te para ase. Odisha te sob se beshe mota bacha durea laga case olai she, etu piche te Bihar ase. Aro Rajasthan te sob se beshe maiki bacha durea laga case olai she.
Reports hesab te, beshe bacha hare kena thakea khan toh, tai khan ke bhek manu bole dea, nahoile kam kure bole dea aro bea kam khan be kure bole dea koi she.
Add Comment