THIRUVANANTHAPURAM: Jua kali Kerala government para Rs. 25 lakh para poisa laga modot dibole announce kurishe. Etu modot toh VV Vasanth Kumar laga family ke dishe. VV Vasanth Kumar toh state laga CRPF personnel ase. VV Vasanth Kumar toh Jammu aro Kashmir te huwa attanki hamla te murishe.
Chief Minister Pinarayi Vijayan para chair kuri kena thaka state cabinet para VV Vasanth Kumar laga bacha khan laga pura-likha khan laga kharcha bhi uthai dibo koishe. VV Vasanth Kumar laga duita bacha ase. Tai khan toh laga naa toh Amandeep (panch saal laga chokora) aro Anamika (aath saal laga chukuri) ase.
Oloops amay pichete Mr Vijayan para reporters khan ke koishe ke VV Vasanth laga maiki nimite temporary aro permanent kaam laga bondobos kuri dibo koishe. VV Vasanth laga maiki laga naam toh Sheena ase. Sheena toh etiya veterinary university te assistant hesab te kaam kuri ase.
Tai koishe murija jawan laga family nimite notun ghor banai dibo. Tai khan toh Wayanad district te thaki ase.
Tai koishe ami khan family ke modot kuribole haath barai ase. Etu nimite government para family ke Rs. 25 lakh poisa modot dibo koishe, Rs. 15 lakh toh tai laga maiki ke dibo aro Rs. 10 lakh toh tai laga ama ke dibo koishe.
Add Comment