Indian Wells, 17 March : Aryna Sabalenka finally Indian Wells Open te nijor “demons” jiti loise Sunday din, ketiya tai Elena Rybakina ke 3-6, 6-3, 7-6(6) te ekdom thrilling final te haraise, first time etu title jiti loise aru nijor 23rd career title bhi secure kori dise.
First set te Elena Rybakina dominate kori thakise, Sabalenka ke break kori 4-2 lead loise aru tai laga backhand ke target kori set close kori dise. Etu tournament te Sabalenka laga first set loss ase.
Second set te start aru comfortable nohoi, karon Rybakina opening game te break kori dise, aru Aryna Sabalenka frustration bhi dikhai dise. Kintu four-time Grand Slam champion deep pora fight kori, momentum ghurai loi, 6-3 te set jiti loise.
Final set ekdom tight match hoise—Sabalenka early break loi 3-1 lead kori thakile bhi, Rybakina wapas fight kori 5-5 te equal kori dise aru first time lead bhi loise. Kintu Sabalenka turant respond kori tie-break force kori dise. Tie-break te 6-6 jaa pichete, Sabalenka 8-6 te close kori match jiti loise.
Last point pora, Aryna Sabalenka mati te ghurise—etiya ekta champion laga relief, juntu 3 saal pora wait kori thakise aru 3 finals haria pichete finally trophy uthai loise.
Add Comment