Dubai, March 19, 2026: Iran laga judiciary para Thursday te announce kure she ki, tin ta manu ke morai de she, kun January te protest kure thake kena dure she, etu enia sentence toh first time ase koi she. Iran laga Mizan news agency para execution laga report de she. Iran toh mora laga saza toh hanging kurea.
Miza para report de she ki, tin jun manu kun murea laga saza pai she, tai khan laga nam toh Mehdi Ghasemi, Saleh Mohammadi aro Saeed Davvodi ase. Report hesab te, utu tin manu para protest kurea homoi, duata police officer ke chaku para hamla kure kena morai de she Qom te, kunto 130 km dur ase capital Tehran te para.
Iran laga judiciary khan para dhamki de kena ahea ase, protest te manu ke durea manu khan ke mora laga saza de bole. Etu te Iran para thousand manu neshe na ke morai de she, aro thousands manu neshe na ke dure she.
Add Comment