New Delhi, 19 March : Elvish Yadav, juntu Bigg Boss OTT 2 winner ase, tai laga khilaf Noida te snake venom use koria allegation pora case tu etiya Supreme Court of India quash kori dise. Court clear bhabe koise ki FIR tu law hisab te tikia thakibole napare, kuntu limited legal issues examine korise tai laga upor base korina.
Etu case tu Bench, juntu Justice MM Sundresh aru Justice N Kotiswar Singh thakise, duita main law point upor bisar kori ase. Court dekhi paise ki juntu psychotropic substance use hoise kuina koise, etu Narcotic Drugs and Psychotropic Substances Act, 1985 schedule bhitor include nohoi. Aru, Elvish Yadav nijor pora eku direct recovery bhi nohoi, khali etu allegation ase ki tai ekta associate through order kori thakise.
Wildlife laga matter te bhi Court koise ki Wildlife (Protection) Act, 1972 hisab te prosecution start koribole authorised officer pora proper complaint dorkar ase, kintu etu case te khali FIR thakate etu legally valid nohoi. Aru IPC laga allegations bhi strong bhabe alag pora establish nohoi, karon etu ekta purana complaint logot linked ase juntu already close hoise.
Etu sob reason pora Supreme Court of India finally koise ki case tu legal scrutiny pass kori napabo, aru pura proceedings ke quash kori dise. Kintu authorities ke option diya ase jodi lage, proper process follow kori fresh case start koribole.
Etu majote, Elvish Yadav etiya Laughter Chefs Season 3 te bhi dekha jai, juntu Bharti Singh aru Harpal Singh Sokhi host kori ase, aru Colors TV aru JioHotstar te available ase.
Add Comment