Moscow, March 21, 2026: Ukraine para 280 opor drones pathai she Russia te, ekta rati te para, etu Ukraine laga sobse dangor hamla ho bo etu war shuru hoi kena ahji tuk, Russia laga State news agency para enia report de she.
90 neshe na drones toh gerai de she southern Rostov region te, governor Yuri Slyusar para enia post kure she Telegram te. Moscow laga mayor Sergei Sobyanin para psot kure she ki, 27 drones kunto capital phane jai thake she, etu khan gerai de she. Dua jun jokhom pai she drone hamla te, aro beshe ghor bea hoi she, southwestern Saratov region te, governor Roman Busargin para enia post kure she Telegram te.
State news agency Tass para report de she ki, 283 neshe drones toh gerai de she, Russia laga Defence Ministry hesab te. 2022 te para Russia khan Ukraine laga mati dure bole khushesh kure kena aheaase aji tuk, Kyiv be wapas hamla kurea ase Russia opor te, tai khan koi she ki, tai khan khali military aro energy infrastructure opor te he hamla kurea ase.
Add Comment