Yushan, 21 March : Ronnie O’Sullivan, seven-time world champion, snooker history create kori dise ketiya tai ekta record-breaking 153 break banaise World Open te, tai laga quarterfinal match te Ryan Day logot.
50 saal old “The Rocket” kuina jana Ronnie O’Sullivan opening frame te etu record set kori dise. Age te tai 147 perfect break 17 bar banaise—juntu already ekta record ase. Kintu etiya free ball help loina, 14 blacks aru duita pinks include korina, sob colours finish kori 153 ghusaishey—maximum possible 155 pora matro 2 point kom.
Etu age, 147 pora besi break matro ekbar hoise—Jamie Burnett 2004 UK Championship qualifying te 148 banaise. Kintu Ronnie O’Sullivan laga etu 153 etiya sobse besi hoise, aru tai £5,000 high break prize karne bhi line te ase.
Semifinal te, Ronnie O’Sullivan face koribo China laga Wu Yize, juntu Mark Allen ke 5-1 te harai strong performance dikhaise
Add Comment