Miami, March 22, 2026: Lebron James para NBA record bhangai de she, sob se beshe games khelea te Saturday te. Tai Los Angeles Lakers khan karne Orlando Magic khan logo te khelea piche, tai etia toh 1,612 match khele de she. Lebron James para Robert Parish laga 1,611 matches record bhangai de she. Robert Parish para etu record toh 1997 te banai she, etu sal 2026 te para he Lebron para bhangai bole pare she. Four time NBA champion James para Parish laga sam 1,611 match kure de she Thursday te, Lakers khan Heat logo te khelea homoi, tai khan Heat ke hara bole pare she. Lebron toh 41 sal hoi she. Tai laga team mate Austin Reaves para koi she ki, Lebron toh insane ase. Tai laga dimak te toh normal neshe na nahoi, enia high level te eman bhal khele bole. James kun tai laga 23rd season khelea ase, tai poila para be beshe NBA records durea ase, sob se points score kurea be durea ase, sob se beshe field goal gosha, aro field golas attempt kurea, Aro sob se lamba regular season games streak 10 points least. James para koi she ki, tai laga career shuru kurea homoi, tai enia record khan toh tai laga mun te thake nai. Tai Thursday te koi she ki, tai enia records khan lekhe kena nai, tai etu kure, etu kure bo. Eni enia he hoi she koi she.
Lebron James para record bhangai de she, sob se beshe NBA games khelea te
Add Comment