NEW DELHI: Jua kali Congress para Jammu aro Kashmir Pulwama te huwa attanki hamla opor te panchta sawal ani kena dishe. Aro Prime Minister Narendra Modi ke etu panchta sawal laga jawab mangishe. February 14 te huwa hamla te Jaish-e Mohammed laga suicide bomber para explosive bhorta thaka gari toh 78-gari convoy te mari kena 40 CRPF personnel ke murai dishe. Etu ghatna toh attanki group para dui din agote Afghanistan te huwa etu genika hamla laga online video paishe. Video hesab te attankwadi khan para Afghanistan te hamla hwua genika Kashmir te bhi hubole damki de kena thakishe.
Sources para koishe investigators para koishe ke etu toh intelligence khan laga nopungcha ase. Etu toh tai khan laga side para failure ase. State police laga Criminal Investigation Department (CID) para intelligence khan logote ekta video share kurishe. Hoile bhi etu video opor te eku action luwa nai.
Congress para Prime Minister Narendra Modi aro National Security Advisor Ajit Doval ke sawal kurishe ke kile etu dangor intelligence failure te tai khan laga zemadari suikar (accept) kura nai. Congress para aro hudishe ke kile government para Jaish-e Mohammed khan para dhamki diya laga video release kura toh ignore kurishe.
Congress sawal kurishe ke local attankwadi Adil Ahmed Dar aro tai ke saath diya khan toh etu RDX laga eman dangor quantity toh kote rakhibole parishe. Aro kenika etu explosive bhuki thaka gari toh eman tight security par kuri kena convoy pungchibole parishe.
Congress para aro sawal kurishe ke kile home ministry para CRPF aro Border Security Forces khan laga request toh mana kuri dishe. CRPF aro Border Security Forces khan request kuri kena thakishe ke paramilitary convoys khan toh akash para loi jabole request kuri kena thakishe. Etu Pulwama hamla para bishi debate olai dishe. Etu debate te kile home ministry para troops khan laga proposal toh mana kuri dishe.
Add Comment