Imphal, March 23, 2026: Officials khan para koishe ki. Security Forces khan para banduk aru, Guli aru bomb durishe koishe. Yete Manipur laga alak alak district te mili kina operations kurea ase koishe. March 20 din te. Taikhan para 29 banduk nishina paishe. Aru 50 Improvised Explosive Devices (IEDs), Grenades aru alak hatiar saman khan bi paishe koishe. Etu toh Hill aru Valley regions para ase koishe.
Kakching District laga Wabagai Turel Mamei jaga phane ase koishe. Yete Security khan para 6 banduk durishe koishe. Yete AK-56 rifle, 3da grenades aru Guli paishe. Aru Tengnoupal District, 29 IEDs, Pasta local para bana laga grenades, electric Detonators aru alak bomb khan paishe koishe. Etu toh Loisi aru Saivom Bosti para ase koishe. Imphal West District laga Lamdeng aru Kameng jaga phane para. 11 Pistols. 85 guli, Camouflage Bulletproof Vests aru alak banduk khan bi paishe koishe.
Aru alak operation toh Tengnoupal te kurishe koishe. Yete India-Myanmar Border laga Yangoubung Bosti te ase koishe. Yete Security Forces khan para IEDs bomb, Pistols aru Grenade Launcher aru Communication saman khan paishe koishe.
Add Comment