Miami, 23 March : LeBron James NBA history te notun record bonai dise, sobse besi regular-season games khelia laga. Saturday din, Los Angeles Lakers Orlando Magic logote match khelibo time te tai 1,612th game khelise, aru Robert Parish laga 1,611 record ke cross kori dise, juntu 1997 pora thakise.
4-time NBA champion LeBron James Thursday din Miami Heat logote match te ekta zabardast triple-double kori Parish laga record equal kori dise.
Tai etiya tai laga 23rd season te ase, aru already bisi NBA records dhori ase—points scored, field goals made, field goals attempted aru lagatar 1,297 ta regular-season games te atleast 10 points score kora longest streak bhi tai laga naam te ase.
Playoffs logote milaile, LeBron James total 1,904 games khelise tai laga career te. Kareem Abdul-Jabbar 1,797 games loi second te ase, aru Robert Parish 1,795 games loi third position te ase.
Add Comment