London, 24 March : Manchester City Arsenal ke 2-0 loi harai EFL Cup final jiti loise, kutey Nico O’Reilly second half te matro 4 minute bhitor duita goal mari trophy secure kori dise.
Itu Manchester City laga 9th League Cup title hoise, aru Liverpool matro etu competition te besi bar jitishe. City agey te 2018 pora 2021 tak lagatar 4 bar jitise.
Pep Guardiola etiya 5 bar EFL Cup jiti English football te record bonai dise. Tai Brian Clough, Alex Ferguson aru Jose Mourinho (sob 4 bar jitise) ke cross kori most successful manager hoise.
Total hisab te, Pep Guardiola 39 matches bhitor 29 jitishe, 83 goals score kori aru 26 goals concede kori ase itu tournament te. EFL Cup tai laga first trophy ase City boss hisab te 2018 te, kitia Arsenal ke 3-0 loina harise.
Second half pora Manchester City besi dominant ase, aru Arsenal etiya tai laga usual sharpness napai thakise—midweek UEFA Champions League match karone tired thaka karone.
Bernardo Silva, City captain, etu win ke ekdom special moment kuina describe korise.
Itu pora Manchester City international break loi jabo, itu pichete Liverpool logote FA Cup quarter-final (April 4) khelibo. Itu pichete Premier League te Chelsea logote match ase.
City etiya bhi Premier League title race te ase, kitia Arsenal leaders ase aru City 9 points pichhe thakile bhi ekta match extra ase.
Add Comment