Agencies: Agi-kali he huwa T20 maiki khan laga match te Mizoram toh khali nou runs banai kena out hoi jaishe. Etu match toh Mizoram aro Madhya Pradesh khilaf te thakishe.
Target toh poila over para he overhaul hoishe.
National media khobor hesab te match toh Pondicherry laga Palmyra Cricket Ground te hoishe. Mizoram team toh 13.5 overs te khali nou runs he banai kena out hoi jaishe.
Khali ekta batter he olop runs banabole parishe. Etu Mizoram cricketer toh choi runs he banabole parishe. Aro total nouta (9) batters toh ducks para out hoishe.
Madhya Pradesh laga bowling laga hamla toh khali ekta maiki batswoman para he handle kuribole parishe. Tai laga naam toh Apurwa Bhardwaj ase. Apurwa toh field tea hi kena choi (6) runs bana bole parishe. Tai bat kuribole no.5 position te ahishe.
Apurwa toh out nohoi kena 25 balls tok thakibole parishe. Etu etu samay te tai ekbar boundary te maribole parishe. Hoile bhi pitch te wickets toh geri thaka nimite etu boundary te mara toh eku lab huwa nai. Mizoram toh extra teen runs pai kena total nou (9) runs banabole parishe.
Madhya Pradesh khan 13.5 overs te total saatha (7) bowlers khan choilaishe. Mizoram khan bat first kurishe.
Mizoram khan tournament te batting kura te bishi disappoint hoishe. Etu toh tai khan laga second har ase.
Add Comment