New Delhi, 31 March : Vijay, juntu Tamilaga Vettri Kazhagam (TVK) chief ase, Chennai laga Perambur pora Assembly election karne nomination file kori dise Monday din. Hajar hajar supporters joma hoina tai laga convoy follow kori ase, juntu campaign te bisi attention loi ase.
Kintu latest update hisab te, Chennai PoliceVijay aru tai laga party cadres logot case file kori dise Bharatiya Nyaya Sanhita 2023 laga sections under, aru Model Code of Conduct violation allegation karone. Case tu Peravallur Police Station te register korise.
Allegations bhitor ase ki party cadres permitted time agey te joma hoise, juntu public inconvenience create kori ase. Itu logote, rally te 30 sound systems use korise aru traffic flow disturb hoise kuina bhi kowa jaise.
Eitu bhitor te, TVK side Chennai Police ke accuse kori ase ki proper security aru traffic management diya nai campaign smooth conduct koribo karone.
Election te Vijay duita constituency pora contest kori ase—Perambur aru Tiruchirappalli East— kuntu tai Dravida Munnetra Kazhagam laga MLAs RD Sekar aru Inigo S Irudayaraj ke face koribo.
Campaign time te Vijay drug-free aru self-reliant Tamil Nadu vision highlight kori ase. Tai youth welfare karone graduates ke ₹4,000 aru diploma holders ke ₹2,000 monthly assistance dibo kuina promise kori ase, aru government exams timely conduct koribo kuina assurance dise.
