Mumbai: Ektam mahan stars tweijun, Shah Rukh Khan aro Amitabh Bachchan pohili bar Producer aro Ator laga capacity te project eksat kuribole ahise.
Pohili bar taijun Actor-producer laga kam kuribole eksat ahiya laga mila mili toh bishi tangor aro khushi laga kodha ase.
Hosa toh taijun suburban studio te ektam special video unit shot kuri kena ase aro etu video joldi release hobole ase.Etu video te SRK aro Amitabh taijun bishi kodha kowa laga aro alak bishi dhakibo.
Tai jun boila te Kabhi Khushi Kabhie Gham pora Veer Zara tok eksat ulai kena dekhi dhakise,hoilebe actor-producer hoi kena eksat ula toh pohili bar ase.
Badla, te Amitabh Bachchan aro Taapsee Pannu starring ula, ektam najana aro muja murder laga dhakise.Etu trailer te bishi muja laga event dhakiya pora audiences ke bishi sabole monjai dise.
Pink bishi phal howa biche te Badla toh Amitabh Bachchan aro Taapsee Pannu laga eksat laga dusra ektam phal movie ase. Film pora ektam talented Malayalam actor Tony Luke be ulabo.
Badla toh Red Chillies Entertainment pora Azure Entertainment logot te present kura ase, produced toh Gauri Khan, Gaurav Verma, Sunir Kheterpal aro Akshai Puri khan pora kurise, crime thriller toh Sujoy Ghosh pora direct kurlise, starring toh Amitabh Bachchan aro Taapsee Pannu tai jun lead roles kuri as ear 8th March 2019 te release kuribole ase.
Add Comment