Agencies: Friday din T20 match te Nagaland toh Andhra Pradesh khilaf te harishe. Nagaland toh tai khan laga T20 laga dusra match harishe. Nagaland, Andhra Pradesh khilaf te 179 laga dangor margin para harishe. Match toh Vijayawada te hoishe.
Nagaland Cricket Association laga joint secretary koishe Andhra Pradesh toh toss jeetishe aro tai khan poila bat kuribole elect kurishe.
Andhra batsmen khan para 241 runs banabole parishe. Ricky Bhui toh 108 runs score kuribole parishe.
Nagaland khan 13.1 overs te 65 runs banai kena sob out hoi jaishe.
Andhra Pradesh toh 20 overs te 241runs banabole parishe. Ricky Bhui toh tai khan laga Andhra team nimite 108 runs banabole parishe. Aro Girinath Reddy toh 62 runs banaishe.
Rachit toh Nagaland 44 runs bana samay te duita wickets loishe. Pawan Yuyal aro Tahmeed Rahman toh tai duijon para bhi ekta-ekta wicket loishe.
Nagaland toh 65 runs banai kena sob 13.1 overs te out hoi jaishe. Jonathan toh Nagaland nimite 30 runs banaishe.
Sashikanth, S K Ismail aro Karen toh Andhra Pradesh nimite teenta wickets loishe.
Olop samay agote Nagaland toh tai khan laga opening match toh Jammu aro Kashmir khilaf te nouta wickets para harishe.
Nagaland toh aha Monday te Manipur khilaf te khelibole ase.
Add Comment