Agencies: Saturday te Virat Kohli, India captain koishe ke tai aro tai laga team toh government aro Board of Control for Cricket in India (BCCI) para Pakistan logote khelibole laga opor te ke decision loi etu opor te pura mon melai kena ase. India Pakistan khilaf te World Cup 2019 England te khelibole ase. Saa hesab te India toh Pakistan khilaf te World Cup 2019 te match khelibole mana kuribole pare koishe. India aro Pakistan toh World Cup 2019 laga poila match toh Manchester te June 16 te khelibole ase. Hoile bhi etiya tok toh kun boards khan para bhi etu opor te eku official announcement nade kena ase.
Saturday te Kholi para Vizag te huwa press conference te koishe ami khan Pulwama hamla te kiman manu khan murishe etu soldiers aro tai khan laga families khan nimite bishi apsos ase. Ami khan toh ami khan laga desh ami khan kay ke kubo etu te ami khan monjur ase. Etu press conference toh first T20I Australia khilaf agay te ahishe.
World Cup te India toh Pakistan khilaf te khelibole thaka match toh boycott kuribole demand toh bishi hoi jai ase. World Cup 2019 toh England aro Wales te May 30 para suru hubole ase.
Friday te BCCI laga CoA khan Pakistan nimite kunba decisions khan lubole tai khan lok kurishe.
Add Comment