Aizawl, April 8, 2026: Mizoram laga Governor, Vijay Kumar Singh, tai laga self- enumeration kure de she aha census karne, tai koi she ki India laga first digital census toh ekta ‘landmark initiative’ ase.
Governor para state laga manu khan ke be etu census toh kure be koi she aro kun ke be nachare be koi she. Tai etu census kile lagea aro important ase etu laga khota khan koi she. Singh para officials khan ke direct kure she, census laga process toh aram aro thik para jabole de bo karne, aro sob manu ke aram para kure bole de bo karne.
Tai aro koi she ki census laga authorities aro local bosti councils kahn eki logo te kam kure bole lagea, aro community laga modok be lage bo, etu census laga operations khan thik para jabole de bo karne.
Directorate of Census Operations laga Senior officials khan para Governor ke census laga process khan laga khobor de she. Census toh duata phase te thake bole ase. First phase toh Housing Census ase, kunto April 1 te shuru hoi she. Aro second phase kunto Population Enumeration ase, kunto aha sal February te shuru hobole ase.
Add Comment