Manipur: UNKA bitor manu 3da ke arrest kurishe

Imphal, April 9, 2026: Security forces khan mili kina Manipur te operation kurishe koishe. Aru yete taikhan 3da bitor manu khan ke arrest kurishe koishe. Arubi Banduk aru drugs khan bi durishe koishe. Yete Bishnupur District te bomb phutea nimete State laga Valley region pura te Protest ula nimete.
Manipur Police khan laga hisab te. April 7 laga phuzur te bomb toh phutishe koishe. 1:00 AM homoi te. Etu toh Bishnupur District laga Tronglaobi Awang Leikai te ulaishe koishe. Etu bomb toh Oinam Mangalngamba Singh laga ghor bitor te ulaishe koishe. Yete kunba najane manu khan para kurea laga ase koishe.
Aru operation kurea pichete 3da UKNA bitor manu ke arrest kurishe koishe. Etu arrest kuri dea manu toh Jampao Kuki, Sasang aru Paulallem Vaiphai. Security Forces khan para banduk aru alak saman khan bi paishe koishe. Yete ekta AK-47 Rifle aru Magazine paishe. Aru 25 guli nishina paishe. Yete Pistol aru Pistol laga magazine aru 15 guli. Etu bitor te Rs 20,100 poisa bi paishe. Aru bosta nishina raw opium paishe. Yete 21.19 kg nishina thakhishe koishe.