Congress Pora CM Pema Khandu Laga Resignation Demand Korise, President Rule Lagaibole Koise

ITANAGAR | New Delhi | February 25: Opposition Congress pora Monday te Arunachal Pradesh Chief Minister Pema Khandu laga resignation demand korise aro state te President’s Rule lagaibole koise. Etu toh permanent residence certificate (PRC) laga mamla te chamela ola bicchete ase.

“Chief Minister (Pema Khandu) aro tai laga council of ministers logote etiya office julaibole ekko rights nai kile koile state laga manu khan pora tai khan ke etiya biswas nakoriya hoise, tai khan pora manu khan laga iccha logote khilaf choita non-Arunachal Pradesh Scheduled Tribes communities khan ke PRC dibole fesla korise,” state Congress President Takam Sanjoy pora IANS ke New Delhi te phone pora koise.

“State police aro army pora Sunday te goli mariya te jarjun manu morise. Etu toh state laga kanun khan biya howa nahoi?” tai pora state te President Rule lagaibi koikena koise.

Sunday te  Arunachal capital, Itanagar te goli mariya te kiman manu hatsa logpaise, etu laga khobor toh government pora etiya tak diya nai.

Protestors khan pora Deputy Chief Minister laga bungalow julai diya bicchete Khandu laga ghor finey jowa ke rukhaibole security forces khan pora goli mariya shuru korise.

Congress pora etu protestors khan ke modot kori ase koikena government pora bodnam koriya ke maana korikena, Sanjoy pora koise, “Moi khan (Congress) toh etu chamela logote ekko lobole nai. Indigenous manu khan pora etu choita jaati ke PRC diya ke khilaf ase koikena jaaniye kena bi, Chief Minister poraeman mon dangor korikena etu choita jaati khan ke PRC toh New Year laga dofa karne dibo koikena khobor korikna manu khan ke khusa kori dise.”

Etu choita jaati – Adivasi, Moran, Deori, Mising, Kachari, Ahom – Assam osor laga Changlang aro Namsai districts te ase.

“Congress party khan toh manu khan logote ase aro manu khan laga awaz bujibole pare. Etu nimite moi khan pora sitha koise ki tai khan ke government pora PRC dibo laga fesla logote khilaf korise,” tai pora koise.

Khandu logote Congress pora West Arunachal parliamentary constituency laga MP, Union Minister of State for Home, Kiren Rijiju ke bi hataidibole demand korise.

Monday tak chamela thakiya bicchete Itanagar aro Nharlagun te indefinite curfew lagaise.

Sunday te Arunachal Pradesh government pora etu diktari PRC laga fesla hatai dise.

Friday saam te pora chamela ola bicchete internet service toh etiya bondh ase.