KOLKATA, February 26: East Bengal laga title pabole laga maksat toh ekdum biya hoise kile koile tai khan ke Vivekananda Yuba Bharati Krirangan te Monday te I-League te Aizawl FC pora 1-1 pora draw korise.
Points table laga ninth position te thakiya Aizawl pora ekdum asurit pora 23rd minute te Leonce Dodoz laga goal pora loikena lead loise.
East Bengal pora second-half te Mexican striker Enrique Esqueda laga 65th minute laga goal pora jawab dise hoilebi konoba bi jitiya nai. Etu jitile tai khan five points pora lead koriya Chennai City FC ke bar koribole thakise.
Hoilebi draw howa nimite, etu red aro golds toh etiya tai khan Chennai khan kono 18 matches pora 40 points ase, laga nijite te saathta points pora gomti ase.
East Bengal, 17 games pora 33 points, toh etiya third placed Real Kashmir kono logote bi 17 games pora 33 points ase, logote khelibo.
Kareem Nurain toh 70th minute te bahar olai dise hoilebi home team toh jitiya laga score koribole besi dukh paise, tate Jobby Justin pora second half laga added time te olop bhal moka paise.
East Bengal, suspension howa pora World Cupper Jhonny Acosta nathakikena, pora Borja Gomez logote Salam Ranjan Singh toh central defence te khelibole halise.
Spaniard Toni Dovale bi Jaime Santos halibo nimite bench te rakhise, aro host khan khali jarta foreigners logote khelise.
Visitors khan karne, Govin Singh laga suspension laga matlab toh Kareem Omolaja toh F.lal Remsanga logote khelibole junise.
Salam Ranjan Singh toh khel laga bha shurwat koriya nai.Kile koile tai pora thik samoy na thuriya nimite noi minutes te tai laga clearance toh Alfred Jaryan laga haat te jaise kono pora Kromah ke clear te rakhise hoilebi Lalram Chullova thik samoy te etu Liberian ke rukhaise aro tai laga shot toh ulta jaise.
Konoba minutes thakikena, Jaime Santos pora ekta moka bhelai dise, tate tai box laga bithor te kheli thakiya samoy te Juuko Kassaga proa ball toh thuri loise.
East Bengal pora tai khan laga defence gomjor rakhiya nimite ekdum bhari daam deraise, tate Alfred Jaryan laga cross toh Salam Ranjan Singh laga bicchete Dodoz laga haat te jaise, etu Ivorian pora offside laga chal pora pajikena ball toh aage te bolaikena ahiya East Bengal goalkeeper Rakshit Dagar bar korikena net laga bithor te khusai dise.
East Bengal pora pitch laga width toh besi joldi wapas goal derai bole kosish korise, tate Laldanmawia Ralte laga box laga bahar pora cross-shot toh visitor laga keeper Lalawmpuia pora rukhaikena corner korise.
Jaime Santos pora thuribole pariya laga cross dise hoilebi Esqueda aro Laldanmawia tweijun pora bi ball ke chuwibole pariya nai.
East Bengal pora besi bhag samoy toh Aizawl laga jakka finey khelikena bhelaise hoilebi visitors khan besi bhal pora defend korikena halftime tak 1-0 lead pora ponchise.
Etu toh 2-0 hobole thakise juti Kromah laga goal toh referee pora manise koile. Etu Liberian proa Dagar laga haat pora ball chini kena loise aro samoy khotom hoise.
East Bengal pora tai khan pora bisari thakiya goal paise. Samad pora box laga bithor te pora Esqueda nimite cross dise, etu samoy te Lalawmpuia pora ball thuribole pariya nai, Mexican beat marker Kareem Nurain pora ball toh heading pora khusaise.
Add Comment