New Delhi: Pakistan laga adangwadi camp ke khilaaf kuri kena Indian Air Force (IAF) pora jaa strike ke jawab te,Tuesday te Pakistan laga Information and Broadcasting Minister Fawad Chaudhry pora Indian films aro ‘India bte bona’ advertisements khan tai khan laga desh te nadhakibole mana kuri kena announce kuri se.
Pakistan laga Information and Broadcasting Minister Fawad Chaudhry pora tai laga Twitter handle te jai kena koise ki Cinema Exhibitors Association khan pora Indian content bura bon kuribole faisla lobo lage aro India laga movie “Pakistan te release kuribole laga film khan be bon kuribole lage.”
Minister pora aro koise ki tai pora PEMRA (Pakistan Electronic Media Regulatory Authority) ke be India laga advertisements logot khilaaf kuribole koi dise.
Etu kodha toh Tuesday te India khan pora Pakistan laga Khyber Pakhtunkhwa jaga te Jaish-e-Mohammad (JeM) laga camp te bishi adangwadi ke target kuri kena Dhaka laga strike kura laga ulap ghonta biche te ulaise.
Pakistan aro India laga relation toh,14 february te 40 CRPF morai diya laga Pulwama terror attack biche te bishi biya hoijai ase.Etu laga tensions toh aji laga hamla biche te be aro bishi wala biya hoi ase.
Enika eki faisla toh India pora be Pakistan laga content aro artists ke khilaaf kurikena Jammu and Kashmir laga district Pulwama te attract kura biche te loise. ‘Total Dhamaal’ aro ‘Notebook’ be milai kena film bona manu khan pora tai khan laga film toh Pakistan te nadekha bole karne faisla loise.
Report hesab te, 2016 te, PEMRA pora be India laga local television aro FM radio content najolabole bura bon kuridise. 2017 te,Eki enika ke sorkar pora mana nakura pora Lahore High Court pora etu toh misa misi ase koi kena bon kuri dise.
Add Comment