U.S. toh international modok besarea ase, Strait of Hormuz khola bole karne

Washington, April 30, 2026: United States toh international laga modok khan besarea ase, strait of Hormuz toh khola bole karne, State Department hesab te. Kile ase koile toh oil laga dam beshe uthe ja karne. Dua moina hoi she war toh shuru ho toh, U.S. aro Israeli para Iran opor te hamla kure kena war shuru ho toh. Aro etia be Strait of Hormuz toh bon hoi kena ase. Etu pani rasta te para dunia laga 20% oil aro gas supply khan jai. Etu bon hoi ja toh dunia laga energy dam toh uthea ase. Aro risk ase economic downturn thake bole. Kam khan toh ja ase war toh khotom kure bole, aro April 8 te para ceasefire toh shuru hoi she, hoile be Iran khan toh Strait of Hormuz rasta toh khule nai U.S. khan para Iran laga oil exports khan bon kure kena thakea karne. Brent crude kunto oil laga dam khan sai, etu hesab te ekta crude oil laga drum toh $126 te ase, kunto sob se beshe ase March 2022 piche te, Russia khan para Ukraine opor te hamla kurea piche.