Manipur: Senapati aru Imphal East te Heroin Drugs durishe

Imphal, May 2, 2026: Security Forces aru Manipur police khan alak alak Anti-Narcotics Operation kurishe koishe. Etu toh Senapati aru Imphal East District te ase koishe. Yete taikhan para 700 grams laga Heroin drugs paishe. Aru yete Duita manu kebi arrest kurishe koishe.
First Operation toh May 1 din te kurishe koishe. Aru Securty Forces khan para Manglenthang Tuboi (25) ke durishe koishe. Tai toh Senapati District laga Saikul Bazar te thakhea manu ase koishe. Operation kurea homoi te. Security khan para 551 Grams laga Heroin paishe koishe. Tai laga haat para. Aru yete Gari ekta aru Mobile phone bi duri loishe koishe.
Alak Operation toh April 30 din te kurishe. Yete Manipur Police khan para Md. Anish Khan (28) ke durishe koishe. Tai toh Imphal East District laga Kairang Khumidok Mayai Leikai te thakhea manu ase koishe. Aru taike Sajiwa Jail Road para durishe koishe. Police khan tai laga haat para 3da sabun daba durishe koishe. Daba bitor te 154 grams laga heroin paishe koishe.