Arunachal Pradesh: Hawa para East Siang laga 9 bosti te jamala dishe

Ruksin, May 2, 2026: April 25 din te. East Siang District laga Ruksing Circle te. 9 Bosti nishina ase koishe. Aru yete hawa para etu bosti pura ahi kina jamala dishe koishe. Yete bagan aru ghas khan bi bia kurishe.
Etu jamala lok pa bosti khan toh Depi, Detak, Rayang, Ngorlung, Niglok, Ngorlung, Ralung aru Linka ase koishe. Reports khan laga hisab te. Yete hawa para para bishi Tamul ghas, Rubber ghas aru Oil Plam laga bagan khan bi bia kurishe koishe. Etu ekila nahoi kina Ngorlung aru Ralung Bosti khan laga ghor tina aru ghas khan bi ulai dishe koishe. Bishi kheti ghor khan toh sob bia hoishe koishe.
Hoilebi etea tak kunbi murea nai koishe. Aru janwar khan bi murea nai koishe. Aru Ruksin Circle Officer khan khobor pa pichete. Taikhan para Agriculture aru Horticulture Department khan ke. Yete Hawa para bia kurea khan ke sai dibole janai dishe.