PRAYAGRAJ: Prayagraj te etiya chuli thaka Kumbh mela te panchso (500) buses) genika buses laga parade kuri ase. Uttar Pradesh laga government toh etiya thaka Guinness World Record toh bhangabole kosis kuri ase. Etiya present te Abu Dhabi toh 390 buses laga sob para dangor buses laga parade kura laga record banai kena ase. Etu 390 buses toh 5.8 km lamba convoy thakishe aro etu toh 4 km toh stretch kurishe. Etu toh abu Dhabi te Sheikh Khalifa bin Zayed Highway te kurishe. Etu record attempt kura toh UAE laga 39th national day celebrate kura samay te hoishe.
Official laga khobor hesab te 500 buses laga parade toh duniya laga kuntu jaga nimite bhi sob para dangor hubole ase.
Uttar Pradesh State Road Transport Corporation (UPSRTC) buses toh 3.2 km laga rasta pura kuribo. Saffron-coloured buses laga parade toh NH-19 te kuribole ase. Etu toh Sahson toll aro Nawabganj toll plaza majote hubole ase.
Additional Chief Secretary (Information and Tourism) Avaneesh Kumar Awasthi para news agency IANS ke koishe parade toh traffic plan dekhabole nimite bhi ase. Etu toh etiya chuli thaka Kumbh Mela samay te ekdam bhal para chulishe. Kumbh Mela nimite 1,300 hectare mati parking nimite estimal kurishe.
Tai para aro koishe hodai saal Kumbh Nagar te millions manu khan laga security aro suraksha (safety) nimite 20,000 genika police personnel khan kaam te lagai kena ase.
Add Comment