BENGALURU: Bengaluru te thaka Karachi Bakery outlet laga manager ke dukan phutai dibole laga dhamki laga call paishe koishe. Etu toh judi tai khan laga signboard para “Karachi” toh hata nai koile. Etu dhamki toh India aro Pakistan majote uthi thaka jhamela nimite ase. Wednesday din te Pakistan para Indian Air Force laga pilot ke dhurishe. Etu toh hawa te larai kura samay te hoishe.
Police koishe caller toh nijor laga naam toh Vicky Shetty ase koishe. Vicky Shetty toh “underworld don” ase koishe.
Bakery manager para complaint file kura nimite Vickly Shetty khilaf te case register kurishe.
Ek hafta agote bhi etu genika he ekta bakery te “Karachi “ kotha toh bon kuribole dishe. Etu bakery outlet toh city te bishi naam thaka ekta ase. Etu ghatna pichete aro etu case ahishe.
Jua hafta baro (12) para pandro (15) manu khan bakery te ahi kena bakery laga naam laga origin opor te sawal kurishe. Aro tai khan para management khan ke bakery agote para “Karachi” toh hatabole koishe. Etu toh Pulwama hamla pichete ase.
Etu mota khan laga group para staffs khan ke malik laga details mangishe. Etu ghatna opor te nouta manu ke arrest kurishe.
Pulwama attanki hamla pichete desh laga bishi jaga khan te protests aro jhamela hoishe. Pakistan te thaka attanki group Jaish-e-Mohammed para etu hamla opor te zimadari loishe. Tuesday din te Indian fighter jets toh Line of Control (LoC) toh para kuri kena Pakistan, Balakot jag ate thaka sob para dangor Jaish-e-Mohammed laga training camp te hamla kurishe.
Add Comment