New Delhi, 5 May : Michael, pop legend Michael Jackson laga biopic, box office te dhamaka kora logote, tai laga music bhi spotlight te ani dise. Film release hua pichete, MJ laga iconic gaana nisina Beat It, Billie Jean, Bad aru Thriller streaming chart te uthi jai ase.
Etu interest iman dangor ase ki Michael Jackson abar duniya laga No.1 artist hoise—tai laga death pora 17 saal pichete bhi—aru etiya laga active superstar khan ke bisi margin pora beat kori dise.
Data analytics agency Kworb juntu Global Digital Artist Ranking banise, May 2026 edition te Michael Jackson top te ase 11,157 points logote. Tai Justin Bieber ke (2nd position) almost 5000 points pora pichhe chari dise. BTS 3rd position te ase 4,397 points logote.
Michael Jackson laga dominance etiya bhi clear ase—tai Apple Music, iTunes, YouTube, Shazam aru Deezer te No.1 ase, aru Spotify te matro Justin Bieber pora olop pichhe ase.
Ranking tu duniya bhar laga artist khan ke monthly streaming numbers (Spotify, Apple Music, iTunes, YouTube, Shazam, Deezer) upor base kori banaise.
Michael Jackson laga No.1 position etu dikhai dise ki tai laga popularity etiya bhi ketia strong ase. Tai Bad Bunny (4th) aru Taylor Swift (5th) logote bisi distance te lead kori ase. Even notun generation artist ahise bhi, MJ laga legacy etiya bhi dominate kori ase.
Add Comment