Assam: Dhubri district te 7000 voters toh NOTA choose kure she

Guwahati, May 5, 2026: Assam laga Dhubri district te 7,000 voters neshe na toh ‘None of the Above’ NOTA option toh dabai she 2026 Assembly elections te, kunto toh dekhai ase ki manu khan mun khushi te nai candidates khan logo te pasta constituencies te. Election data hesab te, 7,739 voters toh NOTA dabai she Electronic voting Machine te (EVMs). Dhubri district te 12,20,384 electors register kure kena thakea te, 95.21 % toh vote de bole ahe she. Data hesab te Birsing Jarua te sob se beshe manu NOTA vote de she, 2,225 thake she. Aro etu laga piche te Gauripur thake she 1,845 logo te. Aro etu piche te Dhubri te 1,386 thake she. NOTA provision toh 2013 te hale she Supreme Court para. Aro General Election 2014 te para chola bole shuru hoi she. Etu NOTA dabai she koile toh, tui eku candidate ke be vote dea nahoi. India toh 14^th country ase dunia te, etu system chola bole.