Tashkent, 5 May : India laga young boxer khan Asian Boxing U15 & U17 Championships 2026 te nijor campaign strong karone continue kori ase Tashkent te, U-15 aru U-17 category duita te bhal performance dise.
U-17 boys competition te, Yadav Yash (50kg) Turkmenistan laga Suleyman Ahmedov ke 5:0 pora harai easy jeet hasil kori loise. Karuna Albertson Kom (60kg) bhi impressive thakise, Tajikistan laga Ali Nazarov ke 4:1 pora haraise.
Gopal Rameshwar Ganeshe (52kg) ekdom close match khelise, kintu Tajikistan laga Nazarov Damir logot 2:3 pora olop difference te harise. Mishra Prashant (57kg) China laga Tangjie Liu logot khelise, kintu 0:5 pora harise.
U-15 girls quarterfinal te, Khushi Rana (49kg) ekdom dominant thakise, Vietnam laga Thi Ngoc Truc Nguyen ke Round 1 te RSC pora harai dise. Hanshika Attri (46kg) bhi 5:0 pora Uzbekistan laga Visola Bakhtiyorova ke haraina strong jeet loise. Kintu Nitya Pandey (55kg) bhal fight di thakile bhi Kazakhstan laga Aruna Shalman logot harise.
U-15 boys te, Samir Bohra (43kg) preliminary round te Chinese Taipei laga Hao-Ting Chang ke 5:0 pora convincingly harai dise.
Add Comment