Disha Patani tai laga Hollywood debut korise The Portal of Force te

New Delhi, 9 May : Disha Patani officially international level te step loi ase. Bollywood star tu tai laga Hollywood debut koribole jai ase The Portal of Force logot, juntu supernatural action-thriller franchise Statiguards vs Holiguards Saga laga first instalment ase. Report hisab te, Disha film te Jessica naam lead role play koribo, aru itu character tu actor ke creatively nijor ke push koribole aru tai laga acting craft bishi dangor scale te explore koribole chance dise.

PTI hisab te, Disha trailer release laga karone besi excited ase, experience tu “thrilling aru terrifying” duita mili ase kuina describe korisey. Actor tu share korisey ki tai laga first international project ekta important learning experience hoise, juntu tai laga acting craft ke bishi deep karone bujhibole help korisey aru experienced aru diverse cast logot kaam kori bishi valuable insights pai ase.

Disha aru koi dise ki India cinema pora gain kora experiences aru lessons international platform te loi jabo pari bisi proud feel kori ase. Opportunity laga kotha ulaise, tai koi dise ki action genre logot tai hotai attracted ase aru storytelling ekta universal art form kuina believe kore, juntu cultures aru borders usorot manu khan ke connect kore.

Kevin Space laga duita decade pichete film direction te return mark kora itu action thriller tu Statiguards vs Holiguards Saga laga part ase. Story tu duita ancient rival factions majot covert war laga upor base kori ase, kitia Earth aru humanity laga future control koribole lorai choli ase. May 7 te release kora trailer te audience khan first time Disha laga character Jessica ke dekhibole paisey, aru tai film laga emotional core aru narrative driving force kuina dikhaise.

“Chosen One” kuina janajai thaka Jessica ke dui rival leaders laga daughter kuina reveal kori ase — dui war choli thaka worlds laga majot ekta living bridge aru humanity laga fate kiman hobo tai laga main key. Lado Okhotnikov create kora itu cinematic universe te Disha logot Kevin Spacey, Tyrese Gibson aru Dolph Lundgren nisina star-studded cast ase.