Raipur, 14 May : IPL cricket te, Virat Kohli history create kori dise aru Royal Challengers Bengaluru laga six-wicket victory, Kolkata Knight Riders khilaf Raipur te records bhi break kori dise kali rati. Kohli unbeaten 105 runs, 60 balls pora score kori dise, 11 fours aru 3 ta sixes logote. Etu tai laga 9th IPL century ase, jun IPL history te kunba player pora bhi besi ase.
Nijor innings during, Kohli 14,000 T20 runs bhi complete kori dise, aru etu milestone pabo laga first Indian aru fastest player hoi jaise, Chris Gayle laga record break korise. Tai etu IPL season te 400 runs bhi cross kori dise.
Batting te pathaise pora, Kolkata Knight Riders 20 overs te 192 for four score kori dise, Angkrish Raghuvanshi laga 71 aru Rinku Singh laga unbeaten 49 help logote.
Reply te, Royal Challengers Bengaluru target chase kori dise 19.1 overs te, four wickets lose kori, Virat Kohli laga unbeaten 105 off 60 balls logote. Kolkata karone Kartik Tyagi three wickets loi dise. Kohli ke Player of the Match bhi dise. Etu agey, Bengaluru toss jiti fielding choose kori dise after rain aru wet outfield match laga start delay kori dise.
Etu victory logote, RCB points table laga top te uthi jaise nijor eighth win logote aru playoff spot secure koribole ekdom usorte ase. Aji, Punjab Kings aru Mumbai Indians Dharamsala te 7:30 PM te face koribo.
