February 27 direk India aro Pakistan majode hamla hoi kena ekta ekta laga fighter jets keraideya thakise. India Monday din President Ram Nath Kovind para kowah toh, India toh santi desh ase. Hoilebe sovereignty bachabo nemide ke hoilebi koribo. Tai para etu kotha toh Coimbatore opor deh Sulur Air Force Station jaga deh event thaga time deh kowah ase. Tai para etu kotha toh India aro Pakistan majode tension hoi thaga karni kowah laga ase.
President Kovind para kowah toh, “ami khan laga desh gara howah toh ami khan laga sepai khan nemide ase. Aro ami toh ektum biswaas ase, judi hatsa khan hoise koile ami khan laga moda aro maike uniform deh thaga khan para saijabole”.
Jowah hapta India para air hamla kora opor deh Kovind para be sepai khan laga mon dangor opor deh hesab korikena kotha kowah thakise.
India aro Pakistan majode tension hoi thaga toh Jammu and Kashmir deh Pakistan-based Jaish-e- Mohammad para February 14 direk suicide bomb hamla korikena 40 security personnel moraideya nemide ase. Etu nemide India toh gusha hoikena Jaish laga camp deh hamla kora thakise.
para kowah toh, Pakistan khan para India laga military installement deh target kora ase. Hoilebe India laga sepai ektum hosiyar thaga nemide Pakistan khan logode kamiyaab hobole deya nai. Pakistan para India jet keraideya deh, pilot Abhinandan toh Pakistan jaga deh kera thakise aro tai logode Pakistan laga sepai para thuri kena custody deh rakhi thakise. Abhinandan logode thurikena tui din howah bechide Friday rati India logode koraideya thakise. Etu toh India aro Pakistan majode santi para thakibo karni koraideya koikena Pakistan para koise.
Add Comment