May 24, 2026: Drushyam 3 toh Theatres khan te bishi masbut para jai ase. Yete taikhan Rs 100 Crore laga mark punchishe koishe duniya pura te. Yete 3da din release kurea pichete. The Mahanlal-Starrer toh cinema te marishe May 21 te. Yete Actor laga 66th Birthday ase koishe. Aru taikhan Friday din 2 te bhal para jaishe. Aru Website laga hisab te. Family Thriller toh Rs 13.7 Crore nishina paishe koishe India Net te. Etu toh Din 3 te thakhishe. Yete Domestic collection laga Net toh Rs 40.60 Crore nishina ase. Yete duniya pura laga collection toh Milai kina Rs 117.17 Crore nsihina paishe. Film parabi Saturday din te bishi bhal para tarika kurishe. Yete duinya pura 5,185 Shows nishina kurishe koishe. Drishyam 3 toh sob milai kina 50.2 per cent nishina ase. Malayalam laga Version te sobse bishi paishe. Yete taikhan ekila para 66.52 per cent nishina paishe. Evening aru rati laga shows khan bishi bhal para jaishe koishe. Yete 75.42 per cent paishe evening te. Aru rati te toh 72.75 per cent nishina paishe koishe. Kochi toh film laga sobse masbut market te ulaishe. Yete ekila para 88.3 per cent nishina paishe koishe 238 shows nishina te. Yete film bishi bhal ja homoi te. Mohonlal para sa manu khan ke bishi thanks dishe. Aru X te actor para manu khan ke thanks dishe koishe. Yete morom aru modot dikha karne. Etu film te Kunchako Boban aru Fahadh Faasil bi ase koishe. Drishyam 3 toh Jeethu Joseph para direct aru likhishe koishe. Aru Drishyam 3 toh Aashirvad Cinemas para produced kurishe koishe.
Drishyam 3 laga Box Office Din 3
