‘Etu Kam Toh Moi Pora Kura Nai’: R Kelly Pora Pohila interview Te Koise

 R&B star pora tai eku galti kura nai koi kena koi dhakise aro emotional pora CBS’ Gayle King ke koise ki tai toh tai laga jivan karne larai kuri ase.

R Kelly pora tai ke sexual botnam laga khilaaf interview te koise ki etu kam toh tai pora kura nahoi.

R&B star ke jowa mohina jarjun logot te sexual botnam kura karne dhurise. Tai toh etya dosta sexual botnam te phashi kena ase aro etya tai dusra wala interview ke rukhi kena bail pora bahar ulai kena ase.

Etu botnam khilaaf pora loikena tai laga pohila interview te, Kelly pora koise tai pora umar naboncha khan logot te tai nahowa kam aro jobojose kurise koi kena kowa laga khobor toh misa ase.

“Etu toh purana  rumour hobi, nuton rumour hobi,ahibole laga din laga rumour hobi, sob toh misa ase ,”tai pora CBS’ Gayle King.

King pora Kelly logot te Robert Kelly toh kon laga bura nam ase koi kena hudiya somoy te – tai pora jawab dise ki tai pora maiki khan pora monjor nahowa ke joborjose kurise koile: “Etu toh bakala kam ase!”Tai aro koise: “Abni laga common sense chuwi be. Moi ke bohowri be, moi karne naphabi dhakibe.

“Abni kuribole monjai le moike khin be kuribe,abni kuribole monjai le morom be kuribe. Hoile be abni laga common sense jula be.

“Etu toh moi karne kiman pakla kam hobo, enika kam kurikena ahibole ektam pakla kam ase –moi tai khan ke dhuri kena bandi kena bhat be khabole nadi kena tai khan pora monjor nahowa ke be joborjose kuribo naki.”

King pora Kelly logot te etu sawal hudiya somoy te, tai jil=ai kena koise: “Eman kuribe. Abni khan sob etu khel khila bon kuribe! Bon kuribe! Moi etu kam toh kura nai! Etu toh moi nahoi!”

Kelly pora modukh pora koise ki tai jivan karne larai kuri ase. 20 minute interview laga kodha toh Wednesday aro Thursday bhojor te CBS te khobor behlaise.

CBS pora Kelly logot te etya dhakiya tweita maiki logot te interviews dhakibole phabna te ase,maiki ekta laga ama papa pora bacha ke joborjose kuri ase koi kena botnam kura maiki bhi milai kena lobole ase.

Musician, Celine Dion, Michael Jackson aro Lady Gaga,khan laga hit ganna likhiya manu toh 2008 te sexual botnam ke ko[sish kurise aro galti nahoi kena dhakise aro enika kam ke ektam mana kuri ase.

“Ekbar karne, moi laga case ke moi pora parise. Abni pora pariya ke kidya paribo. Abni moi ke enika aro bishi botnam dibole naparibo.Etu toh dhik nahoi,” Kelly pora King logot interview te koise.

Etu ke jawab di kena,Kelly ke botnam diya tweijun laga lawyer, Michael Avenatti, pora koise singer “logot te enika risk kam udhai dibole eku clue dhakiya nai'”.

Tai pora tweet kurise: “Kiman boila hoile be etu burana hadsa toh eku hesab nahobo koi kena janibole tai pariya nai.