London, 1 June : Singer Dua Lipa aru actor Callum Turner headlines te ahise, reports hisab te taikhan London te Sunday din ek intimate ceremony te shaadi korise.
British media reports mutabik, shaadi ceremony te khali close family members aru friends ase. Itu relationship laga notun chapter hoise, kuntu dating rumours pora engagement speculation aru etia marriage reports tak pounchise.
Taikhan laga love story reportedly ek interesting coincidence pora suru hoise. Callum mutabik, agey bar dekha hua time te duijon eki book, Trust porhi thakise.
Dating rumours January 2024 te suru hoise ketiya Dua, Callum laga film Argylle premiere laga afterparty te attend korise. Event laga videos aru photos social media te viral hoi, romance rumours suru hoise.
Los Angeles aru London te taikhan ke eki logot dekhibole paise. Astey astey relationship tu public hoi jaise. Music festivals, public events aru trips laga photos bhi share kori thakise.
2024 para, Callum Dua laga international tours aru Instagram updates te regular feature hoise.
Wedding photos hisab te, Dua white dress, hat aru gloves pindhi thakise, aru Callum blue suit aru tie te ase. Marylebone Registry pora ulai ahar time te family members aru guests confetti mari celebrate korise.
Reports mutabik, etia taikhan Italy laga ekta island te ek dangor celebration arrange kori ase. Guest list te Tove Lo aru Charli XCX laga naam ase. Rumours bhi ase ki Elton John, jun Dua logot Cold Heart song te collaborate korise, celebration te perform koribo pare.
