Mumbai, 4 June : Bollywood film producer aru former Central Board of Film Certification (CBFC) chairman Pahlaj Nihalani, 76 saal te, murise. India Today report hisab te, tate kunba din pora bemar thakise. Kotha ase ki tai liver-related health problem pora bhi suffer kori thakise.
Nihalani 2015 pora 2017 tak CBFC chairman hisab te kam korisey. Tai laga tenure somoy censorship aru film certification loina kunba problems uthise. Strict censorship policy karone, tai recent saal laga bhitorot sabse besi charcha howa CBFC chief khan majot ekjon ase. 11 August 2017 te tai chairman post pora hati dise, aru itu pichete Prasoon Joshi nobo CBFC chairman hisab te appoint hoise.
1980s aru 1990s te mainstream Bollywood te commercial entertainer film bonaise, Nihalani bisi naam kurise. Tai bishi actor logot Bollywood career start koribole sujog bhi dise. Govinda ke Ilzaam film pora aru Chunky Pandey ke Aag Hi Aag film pora launch kori dise.
1982 te Haathkadi film logot producer hisab te tai laga journey suru hoise. Nijor production banner niche, David Dhawan direct kora Shola Aur Shabnam (1992) aru Aankhen (1993) nisina hit film produce korisey. Itu pichete Andaz, Talaash, Rangeela Raja aru Julie 2 nisina bishi Bollywood project bhi support korisey.
Pahlaj Nihalani pichete tai laga wife Nita aru tinjon lora – Vishal, Deepesh aru Chirag – thaki ase.
