New Delhi, 6 June : Jennifer Aniston aru Lisa Kudrow pora notun sitcom karne speculation uthise
Friends co-stars Jennifer Aniston aru Lisa Kudrow mazak korina Courteney Cox logot notun project te kaam koribo kuina kotha patise, aru etu pora notun sitcom ahibo niki kuina speculation uthise.
Duita actress eki logo te Variety interview series te reunion kori nijor career, Friends laga purana memories aru TV industry kiman bodli jaise, etu sob kotha patise. Interview majot, Kudrow para Aniston aru Cox logot aru ekta sitcom-style project te kaam koribo lage kuina idea dise.
Jodi kun bhi actress etiya hobo laga project ase kuina confirm nakorise, tai etu kotha Friends fans khan majot bisi dhyan paise. Online te bisi manu tinijon ke aru ekbar screen te eki logot dikhibole excited ase kuina janai dise.
Interview te emotional moment khan bhi ase, juntu te taikhan Friends filming kori thaka somoy kotha mon poraise. Duita actress bhi Warner Bros. Laga Stage 24 karne kotha patise, kot Friends live audience samne shoot korise.
Kudrow para koise ki tai olop din age etu soundstage te ghuri ahise, kuntu somoy tai HBO comedy The Comeback laga final season shoot kori thakise.
Aniston para ullekh korise ki Kudrow laga beta Julian Stern, kun tai Friends shoot kori thaka somoy pregnant thakise, etiya The Comeback te appearance dise. “Tai pura bhaal para hasi-hasi hunikena dangor hoise,” kuina Aniston para koise.
Duita actress para aru bhi khas chemistry laga kotha patise kuntu Friends ke duniya bhar te ekta cultural phenomenon bonaise.
Kudrow para etiya The Comeback laga final season laga kaam khotom korise. Michael Patrick King logot milikena tai etu HBO comedy series create korise. Tai koise ki final season bonabo process tu bisi intense aru somoi loi thakise.
Aniston, etia, Apple TV+ drama The Morning Show laga fourth season shoot kori ase, kot tai news anchor Alex Levy role te ghuri ahise. Notun season te Oscar-winning actor Jeremy Irons bhi ase.
