June 7, 2026: National Award Jitea laga Malayalam Actor Salim Kumar toh. Industry toh sob khushi pa laga manu ase koishe Industry te. Tai toh Malayali te tai laga character aru Kotha para manu bishi taike janishe koishe. Hoilebi tai toh June 6 din te murishe koishe. Saturday din te. Etu toh Kochi laga private Hospital para murishe koishe. Tai toh56 saal para murishe.
Etu actor toh liverlaga bimar para treatment bitor te jai thakhishekoishe. Aru Heart attack para murishe koishe. Yete Salim kumar toh 30 saal nishina actor kurishe koishe. Aru yete tai para 300 films nishina banaishe koishe. Manu khan para tai bishi damali kurea te khushi paishe koishe. Tai toh October 9, 1969 te jonom hoishe koishe. Etu toh North Paravur laga Chittattukara osor para jonom hoishe. Salim Kumar toh Duniya laga Performance te gushishe koishe mimicry para. Tai toh Cochin Kalabhavan te active thakhishe. Etu pichete 1990 te film te gushishe koishe. Tai laga first film toh Ishtamanu Nooru Vattam (1996) thakhishe koishe.
Aru alak film Kalyanaraman, CID Moosa, Pulival Kalyanam, Meesha Madhavan, Thommanum Makkalum, Pandippada, Mayavi aru Thilakkam laga khan te Malatalam Cenima te gushishe. Yete taikhan damali kurea te bishi famous thakhishe koishe. Aru tai toh Film khan bi banai thakhishe koishe. Aru tai para Compartment, Karutha Joothan, aru Daivame Kaithozham K Kumar Akanam khan te director bi kurishe. Karutha Joothan toh Kerala State Film Award laga Best Story bi jitishe koishe.
