June 14, 2026: Britain laga Emma Raducanu toh ek din te dua bar jete kena Queen laga finals te punchi bole pare she. Raducanu toh jokhom pai kena thake le be, Kamilla Rakhimova ke hara bole pare she. Tai jun laga quarterfinals match laga points toh 6-3 7-5 thake she. Aro dua ghanda piche te, tai wapas court te ahe kena America laga Iva Jovic ke harai de she, match laga points toh 6-2 6-2 thake she. Emma toh etia British laga number one khelare ase, ja season te jokhom aro bemar karne tai thik para khele bole pare nai. Finals te, tai Croatia laga Donna Vekic khelaf khele bole ase, kun para British laga number three Katie Boulter ke harai de she quarter finals te. Raducanu toh ekta set be hare nai etu tournament te, tai dunia laga top 20 te thakea ke duata khelare ke be hara bole pare she. Raducanu toh etia dunia laga number 42 te ase, French Open laga firs round te harea piche.
Raducanu toh Queens final te punchi bole pare she
